CLEONAE seu CLEONA Melae

CLEONAE, seu CLEONA Melae

l. 2. c. 2. Cleone Plinio, l. 4. c. 6. hodie Sanvasili, teste Nigrô, oppidum olim, nunc pagus Argiae regionis in Peloponneso, inter Corinthum 10. et Argos 180 mill. pass. Mantineae urbi finitimus. Ovid. l. 6. Met. v. 417.

Messeneque ferax, Patraeque humilesque Cleonae.

Ibi versabatur Leo mirae magnitudinis, quem Hercules interfecit. Claudian. l. 1. in Rufinum, v. 287.

Una Cleonaeum pascebat silva leonem.

Lucan.

Ille Cleonaei proiecit terga leonis.

Seneca, in Hercule Oetaeo, Actu 5. v. 1891.

Flete Argolicae, fiete Cleonae,

Hic terrentem moenia quendam

Vestra leonem fregit nostri

Dextera nati. -----

Silius, l. 3. v. 32.

In foribus labor Alcidis Lernaea recisi

Anguibus Hydra iacet, nexuque elisa leonis

Ora Cleonaei patulo celantur hiatu.

Val. Flaccus, l. 1. v. 33.

----- Cleonaeo iam tempora clausit hiatu.

Alcides -----

Apud Statium, l. 4. Sylv. 4. v. 28. Sidus Cleonaeum est sidus Leonis,

Sed tu, dum nimio possessa Hyperione fiagrat

Torva Cleonaei iuba sideris, exue curis

Pectus. ----- -----

Fuit et Cleone oppid. Macedoniae, inter Athon et Pallenen. Nic. Lloydius.